Shillong, 17 Naitung:
2 ngut ki ehrang ka Garo National Liberation Army (GNLA), ki la myn saw hadien ba ki ngat kuli ha ka jingiather markyl liang bad ki pulit, katei ka jingjia ka la jia mynta ka sngi ha kawei ka shnong kaba don ha South Garo Hills district, bad kitei ki 2 ngut ki ehrang ka GNLA kiba la ngat kuli ki la ioh ban phet krad, katba ki pulit pat kiba la buddien ha katei ka jaka ki la ioh kurup bun ki tiar siat bad ki kuli.
Ka la don ka jingiather kuli kaba jur markylliang hapdeng ki pulit bad kitei ki ehrang ka GNLA, bad ha katei ka jingiather na ka liang ki pulit ki la don ar kynhun, ki pulit SWAT bad Cobra ba na East Garo Hills bad South Garo Hills , kiba la pynlong ka jingkhynra lehnoh ha Warima Songmong kaba hap hapoh ka Chokpot, iathuh uwei u heh pulit.
Katkum ka jingiathuh ki pulit ha ka jingther kuli ki la kam ba 2 ngut ki GNLA kiba la ngat kuli ki la mynsaw jur bad ki ioh ban phet krad da ka said ha ki bynta ka khlaw ba rben, u heh pulit u la iathuh ba ha katei ka jingiather kuli la donlang ruh u Area Commander ka GNLA u Kiljang R Sangma uba ki ju khot sin kum u Jangjang, Kongsil bad kiwei pat ki dkhot ka GNLA, ki pulit ki la ong ba ka daw ba ka kitei ki lehnoh ki la ioh phet ka dei na ka daw ka jingiadonlang ki riew paidbah ha katei ka jaka.
Ki pulit ki la ioh kurup 2 tylli ki pistol, kawei ka suloi lyngkot, uwei u grenade ban a China, 160 tylli ki kuli AK, ki kuli 9mm, 4 tylli ki mobile phone bad bun ki synduk kuli jong ka AK na katei ka jaka ba ki la iather kuli.
Phi don ban ong eiei?