Shillong, 11 Naitung:
Ki dkhot ka KSU na ki unit bapher bapher jong ka shnong Mawlai ki la weng noh ialade na ka seng KSU da kaba ai daw ki kynrum kynram kiba don hapoh ka KSU.
Ha ka kyrwoh ba la pyllait mynta ka sngi ki dkhot jong ka KSU bapher bapher ki la rai ban weng noh ialade namar ka jingshah kyn thoh ka shnong Mawlai, ka jingpynwai jubor ia ka KSU Mawlai Circle, ka jingbeh seng ia u President ka seng, bad ka jingiaid lait ia ka rai jong u paidbah ban dawa ia ka ILP ha ka jingialangn paidbah ha madan student ha ki bnai ba ladep.
Ki dkhot kiba la iehnoh ia ka seng ki kynthup u President ka Mawtawar unit u Roderick A Rani, General Secretary Banteilang Snaitang, Organising Secretary Iengskhemlang Khongwar, Asst Org Secy Benedick Nongrang, Edu Secy Bankerlang Diengdoh, Sports Secy Micheal Lyngdoh bad u Publicity Secretary Phrangsngi Sawkmie.
Kiwei pat ki kynthup u Issac W Basiawmoit na org secy Mawlai circle, Lateibok Warjri asst. sport secy, Donlang lyngdoh, Jason Hyniewta, Ms Iba Lyngdoh, Kitboklang Thangkhiew, Jason Khongwir, Ms Kerdalin Biam baroh na KSU Nongpdeng. Na Kynton Massar u Lailuid Pohtmi, Kitbok Kyndiah bad Mike Sohtun na Umjaiur.
Nalor kine, u Danny Z Mukhim na Mawdakbati. Baroh kine ki la phah shithi iehkam sha u president ka seng kmie ha kane ka sngi Thohdieng.
Phi don ban ong eiei?