New Delhi, 9 Naitung:
U Amit Shah, uba dei uba iajan bha bad U Narendra Modi, ula shim ti mynta ka sngi, kum U President jong ka seng BJP, ha kaba u shimti ia katei ka kam, na U Raj nath Singh, uba la shimti noh, kum u myntri kam poh iing jong ka sorkar India.
U Amit Shah, uba don 50snem ka rta, u la ioh ia ka burom kaba khraw, haba ula trei shitom bad pynjop bun ia ka seng BJP, ha ka elekshon MP, ba dang shu dep na Uttar Pradesh, lyngba ka jinglamkhmat jongu hi. U Rajnath Singh, ha ka sngi balang, ula pynbna mynta ka sngi, ba ula hiar shuki noh kum U President ka BJP bad ba ula pynbna ba U Shah, un shimti ia ka jaka jongu, ha kaba ula ai burom ruh ia U Shah halor ka jinglah jongu ban ai burom ia ka seng BJP, ha ka elekshon ba dang shu dep ha Uttar Pradesh. Ha ka elekshon MP, ba dang shu dep, ka BJP, ka la jop da 71ngut ki MP, na ka jingdon kaba 80ngut ki MP, na katei ka Jylla Uttar Pradesh.
Phi don ban ong eiei?