Shillong,9 Naitung:
Ka Meghalaya People’s Front ( MPF) kaba dei ka kynhun ki seng sain pyrthei kiba don ha ka liang pyrshah, ha ka jing leit rah ia ki mat jingdawa jong ki sha u Myntri Rangbah Duh ka Ri u Narendra Modi dang shen ki la thoh ruh sha u Modi ha kaba ia dei bad ka jingiakhang tih dewiong ka National Green Tribunal ha kane ka jylla.
Ka MPF ka la thoh ba ka jingkhang tih dew iong ka NGT ha kane ka jylla naduh u iaiong mynta u snem ka la ktah ia ka ioh ka kot ka kamai ka kajih bad ka khai ka pateng ki paidbah ka jylla, bad katei ka jingshah khang dew iong ka pyni ia ka jingbym ler ka sorkar kaba u Myntri Rangbah u Dr.Mukul Sang ma u la bat ia katei ka tnad Mining ha kine ki ar snem ba la dep.
Ka MPF ka la pyntip ruh sha u MRD ba u Dr.Mukul u don shibun ki par dewiong kiba u la ai kyrteng ha ka lok jong u , bad katei ka jingkhang tih dewiong ka MPF ka la kynnoh ba ka dei ka jingthmu jong u Dr.Mukul ban klun shalde ia katei ka kam khaii dewiong bad ban ym ailad ia kiwei ban kamai spah lyngba ka khaii dewiong.
Phi don ban ong eiei?