Silchar, 14 Naitung:
Ka dkhot jong ka Lok Sabbha, kaba mih khmat na Silchar, ka Sushmita Dev, ka la iakynduh ia u myntri ba peit ia ki kam karkhana, U Anant Geete ha New Delhi, ha kaba ka la kyrpad, ba un pynbeit kyrkieh noh ia ka jingeh jong ka karkhana shna kotsada ha Cachar. Katei ka karkhana, kaba dei ka sant jong ka Hindustan Paper Corporation Ltd (HPCL), ka dei kaba shna kot sada, da kaba thang da u dewiong.
Ka Sushmita Dev, ka iathuh ba lyngba ka jingkhang ia ka jingshalan dewiong na Meghalaya, katei ka karkhana, kaba lah ban pynmih kotsada haduh 1,00,000 ton ha ka shisnem, kan don ha ka jingeh kaba khraw, ban bteng ia ka kam jongka.
La ong da ka MP na Silchar, ba katei ka dei ka karkhana, kaba heh tam shathie jong ka Assam bad ka jingdonkam dewiong jong ka karkhana, ka long 500-600 ton ha ka shisngi shisngi bad mynta, ka jingdon dewiong, ka long sa tang 12,000 million ton bad kan treikam sa tang shibnai eiei bad lada jia ba katei ka jingkhang dewiong, kan dang iai bteng, khlem pep, kan don ka jingktah kaba jur ia katei ka karkhana, kaba la ai kam ia 5hajar ngut ki nongtrei bad nangta ia 20,000ngut ki longiing kiba shaniah na katei ka kam.
Phi don ban ong eiei?