Jowai, 9 Naitung:
Kumba la rai da u paidbah ha ka jingialang kaba la long ha ka 4tarik Naitung 2014 ha Phra mer, ka Movement for Indigenous People’s Rights and Livelihood-Meghalaya (MIPRL) kala phah da ka jingthoh sha U Member Secretary ka Meghalaya State Pollution Control Board (MsPCB) kaba dawa ba ka sorkar ka dei ban ai ia ka jingpynshai halor ka nongrim jong ki Form 1 bad 2, kumba la sam sha ki paidbah bad ruh ban batai pynshai ia ki ain kiba don halor ka um bad ka lyer.
La phah ruh ia ka jingthoh sha U Under Secretary, Mining and Geology, ka sorkar Meghalaya ban pyrshah bad ban weng noh ia ka Form 1 (Application for mining lease). katkum katei ka jingthoh la batai ba katei ka phom, ka long ka jingpynkhein ia ka hok longtrai ki paid riewlum katkum ka riti synshar ri jong ka ri India bad ruh ka Sixth Schedule, kiba batai ba ka khyndew, ka shyiap, ki maw bad ki mar poh khyndew baroh ki long ki jong u paid ka bri u Khasi, Jaintia bad Garo.
Ki nongialam ka MIPRL kin leit leit iakynduh ia u Myntri Rangbah ka Meghalaya U Dr. Mukul Sangma ha ka10tarik Naitung 2014 ban dawa ban weng noh ia ka jingkhang tih bad shalan dewiong, ong ka kaiphod da U Ma H S Dkhar, Chairman ka komiti.
Phi don ban ong eiei?