Ki tyngab, ki dei kiba stad shibun bha bad ki saiantis, ki iathuh ba ki kham stet ka bor jabieng jongki, ban ia u khynnah rit uba la hynniew snem ka rta. Ha kane ka kynti, la iathuh ba ki ar tylli ki tyngab, ki don ruh ia ka jingstad jongki, kaba kham pher bad kata ka long ba ki lah ban iathuh lypa, ia ki nongjop, ha ka jing ialehkai World Cup, ha kane ka kynti kaba mynta bad kitei ki ar tylli ki tyngab, ki kam, ba ka liang ka ban jop, ha kane ka jingialehkai World Cup, kan dei beit lyngba ka jing ia shut penalty. Ki saiantis ha ka University jong ka Auckland, kiba peit ia ka tnat kaba dei ia ka ktien, ka kolshor bad ka jingsngew thuh ia kren, ki la pule na ka bynta shiphew snem kynthih, halor ka jingiadei bad ka bor shemphang jong ki tyngab.
Kitei ki lap ba ki tyngba, ki lah ban pynbeit ia ki phra tylli kino kino ki jingkhein kyllain, ha ka shisien pynbeit bad ha kane ka kynti, ki la iathuh lypa ruh ia ka Ri, ka ban jop ha ka jingialehkai World Cup. Na kitei ki don ar tylli tyngab, kiba kyrteng ka Ricalli bad ka Crexa, ha kaba ki shim bynta ha ka jingialehkai ban iathuh lypa shaphang ka World Cup bad na ka bynta ban pynshisha, ba ka jingialehkai jongki, ka long kaba dei shisha, la pynlong da ka jingshut penalty, hadien ba ki la pynhap ia ka bol rit, na ka pela ba la buh lang shi jaka. Kitei ki ar tylli ki tyngba, ki la iathuh lypa, ia ka jingialehkai hapdeng ka Brazil bad ka Germany, ha kaba ha ka jingshut penalty jongki, ka kdew shai ba ka Brazil, kan shah rem. Nangta ki la iathuh lypa ruh ba ka Argentina, kan jop ha ka jing ia khun pyrshah ia ka Netherlands bad ba ka phainal, kan long pyrshah ia ka Germany bad ka Argentina. Ha katei ka jingialehkai, ki tyngab, ki iathuh shai, ba ka Argentina, kaba dei ka team, kaba na South America, kan rah ia ka thong lah duh, ha kane ka jingialehkai.
Phi don ban ong eiei?